ប្រាសាទលាក់នាង ( Leak Neang Temple )

ប្រាសាទលាក់នាង (Leak Neang Temple )

ប្រាសាទតូចមួយ នៅក្បែរប្រាសាទតាកែវ​ ដែលបានសាងសង់ក្នុងអំឡុងចុងសតវត្សទី១២ ជាប្រាសាទទោល សង់ពីថ្មភក់ មានច្រកចូលពីទិសខាងកើត មានកំពែង មានខ្លោងទ្វារ ប៉ុន្តែបែកបាក់អស់ ។

 ខាងក្រោយប្រាសាទគឺជាស្ទឹងសៀមរាបដែលហូរមកពីភ្នំគូលែន ជាទីសក្ការបូជាមួយដ៏ធំចំពោះអទិទេពនាដើមសម័យអង្គរ ។  គេពុំមានឯកសារសិលាចារឹកទាក់ទងនឹងប្រាសាទនេះទេ ប៉ុន្តែគេអាចសន្និដ្ឋានបានថា ប្រាសាទនេះ គឺជាមន្ទីរពេទ្យមួយក្នុងចំណោមមន្ទីរពេទ្យទាំង១០២ នាសម័យអង្គរធំ ក្នុងរជ្ជកាលព្រះបាទជ័យវរ្ម័នទី៧ ដូចប្រាសាទព្រហ្មកិលដែរ ។

 ប្រាសាទនេះ មានរាងតូចច្រឡឹងខ្ពស់ មានមុខបែរទៅទិសខាងកើត មានទ្វារបញ្ឆោតនៅទិសខាងត្បូង ខាងលិចនិងខាងជើង ។​ មានអប្សរា មានរូបចំលាក់ទាក់ទងទៅនឹងពុទ្ធសាសនា មានរូបនាគ ជាដើម។ល។

សូមមេត្តាកុំយកសម្រាមទៅចោលនៅទីនោះ !