អវតារទាំង១០របស់ព្រះវិស្ណុ ឬព្រះនារាយណ៍
អវតារព្រះវិស្ណុ អាទិទេពធំទាំងបីរបស់ព្រហ្មញ្ញសាសនា មានព្រះឥសូរ ព្រះវិស្ណុ និងព្រះព្រហ្ម ដោយព្រះព្រហ្មមានតួនាទីបង្កើតពិភពលោក និងប្រៀនប្រដៅ មនុស្សលោក ចំណែកព្រះឥសូរ ឬព្រះសិវៈមានតួនាទីបំផ្លាញ ឬរំលាយពិភពលោកទៅវិញ នៅពេលដែលជីវិតនៅលើលោកមិនប្រព្រឹត្តទៅតាមគន្លងធម៌ ដោយឡែកព្រះវិស្ណុ មានតួនាទីមើលថែការពារពិភពលោក និងសង្គ្រោះពិភពលោកពីហេតុភេទមិនគួរគប្បីទាំងឡាយ ។ ដោយសារតួនាទីជាអ្នកមើលថែពិភពលោកនេះហើយ នៅពេលដែលភពផែនដីមានរឿងហេតុអ្វីកើតឡើង ព្រះវិស្ណុ ក៏បំណែងភាគជាអវតារ មកចាប់បដិសន្ធិលើភពផែនដី ដើម្បីប្រយុទ្ធប្រឆាំងនឹងសភាវៈអាក្រក់ បញ្ចៀសនូវគ្រោះមហន្តរាយទាំងឡាយ សរុបទៅមានចំនួន ៩លើកមកហើយ ហើយព្រះអង្គនឹងមកបែងភាគជាអវតារពាជីមុខ ឬកល្កិន ដើម្បីមកសង្គ្រោះពិភពលោកម្តងទៀតដែលជាលើកចុងក្រោយ នៅចុងសម័យកលីយុគ គឺយុគសម័យដែលយើងរស់នៅនេះ (តាមកាលប្បវត្តិក្នុងព្រហ្មញ្ញសាសនា គេចែកយុគជាបួន ដែលយើងសព្វថ្ងៃស្ថិតនៅយុគទី ៤ ចុងក្រោយគេ) ។ ពាក្យថាអវតារនេះ មិនដូចជាពាក្យជាតកនៅក្នុងព្រះពុទ្ធសាសនានោះទេ អវតារ គឺគ្រាន់តែជាការបែងភាគតែប៉ុណ្ណោះ ឧទាហរណ៍ដូចជាព្រះវិស្ណុដកយកសរសៃសក់ពីរសរសៃទៅដាក់នៅក្នុងឧទ្ទររបស់ព្រះនាងទេវាកី សរសៃសក់ពណ៌សកើតទៅជាព្រះពលរាម ឬពលទេព ដ...
Comments
Post a Comment